Имтиҳон топшириш
Ассалому алайкум! Биз университетимизда тест туридагу имтиҳон топширамиз. Имтиҳонга тестларни 100% тўғри келадиган тестни сотишади, албатта омонатга хиёнат қилиб, бу тестни 1000 та талабадан 800 таси пул йиғиб сотиб олса, кейин тарқатишади, аммо бундан ўзини узоқ тутиб эски тестларни фойдаланингнинг ҳукми қандай? Эски тестлар дегани ўтган йилги тестлардир, албатта орасидан баъзи саволлар учраб туради?
– Ва алайкум ассалом! Имтиҳоннинг моҳияти муайян илмларни белгиланган даражада ўзлаштирган талабаларни саралаб олишдир. Сизлар қилмоқчи бўлаётган ишнинг ўзи билан кифояланиш имтиҳондан кўзланган мақсадга мувофиқ келмайди. Имтиҳонга кирувчилар эга бўлиши талаб қилинган билимларни тўлиқ ўзлаштириш билан бир қаторда аввалги йилги тестларни кўриб чиқиши эса жоиз. Валлоҳу аълам!
