Жавоб беринг илтимос, устоз !

00:00 / 03.10.2008 | eski savollar | 2188

ассалам Шайҳ Ҳазратлари !Узимизда ҳар йили Рамазон киришида ҳам, тугашида ҳам жуда куп ихтилофлар булади. Ким-кимга айтиб рузасини очтирган ёки аксинча ва ҳоказо...Биз ушбу ихтилофли ва шубҳали амалдан йироқ булиш учун, бир неча йилдан буён , Расман Муфтийнинг фатвосига биноан амал қилиб келамиз. Эргашганимиз учун савоб , нотуг'ри булса, фатво берувчи мас'ул булади, деб.Сиздан илтимос шу масалани кенгроқ ёритиб беринг, я'ни Ислом шариатида Муфтий фатвосига эргашиш ҳақида нима буюрилган. Жавобингиз уънун аввалдан Раҳмат !

Шайх Муҳаммад Содиқ Муҳаммад Юсуф роҳимаҳуллоҳ:

- Сизнинг саволингизга Кувайт давлати Вақф вазирилиги қошидаги фатво бўлими томонидан шунга ўхшаш саволга берилган жавобнинг таржимасини тақдим этаман. «Уламолар ҳилолни кўриш масаласида икки хил фикр айтганлар. Улардан баъзилари, ой чиқиш жойларини эътибори бор, дейдилар. Яъни, ҳар бир юртнинг ўзига хос кўриши бор. Бир юртнинг кўриши бошқасига тасир қилмайди. Иккинчи райъга биноан эса, қай бир мусулмон ўлкада ҳилол кўрилса, барча мусулмонлар ўшанга эргашишлари керак, дейди. Икки фикрни ҳам ўзига етарли далиллари бор. Кувайтдаги бош фатво ҳайъати иккинчи фикрни қўллайди. Мусулмонлар бир кунда рўза тутиб, бир кунда байрам қилишини истайди. Кувайтдаги бош фатво ҳайъати мусулмон раҳбарлар ушбу фикрга амал қилиш учун керак бўлган барча чораларни қўллашларидан умидвор бўлади. Шу билан бирга, бу ишда барча тўғри илмий шартларга амал қилинади деган орзудадир. Лекин ҳозирда мусулмон ўлкаларда биринчи фикрга – ҳар бир ўлка ўзининг кўришига – амал қилинаётгани учун Кувайтдаги бош фатво ҳайъати шимолий америкадаги мусулмонлар ўша ердаги мусулмонлар жамоасидан тузилган ҳайъатнинг айтганини қилишлари ва бу ишда ва бошқа барча ишларда унга итоат этишлари лозимлигини таъкидлайди. Чунки мазкур ҳайъат америкалик мусулмонлар учун мусулмон ўлкалардаги расмий диний ҳайъатлар ўрнидадир».