4-ракатда зам сура ўқимаса
11:08 / 04.09.2022 | Mansur | 1214
Ассалому алайкум! Пешин намозининг 4-ракатида зам сура ўқимасдан сажда қилиб, намоз тугаганидан сўнг билиб қолса, бунинг хукми қандай бўлади?
«Зикр аҳлидан сўранг» ҳайъати:
– Ва алайкум ассалом! Пешин намозининг тўрт ракатлик суннатининг учинчи ёки тўртинчи ракатида зам сура ўқишни унутган бўлса ўша намознинг сўнггида саждаи саҳв қилиши вожиб. Бу ҳолат пешин намозининг тўрт ракатлик фарзининг учинчи ёки тўртинчи ракатида содир бўлган бўлса тўғри бўлган. Чунки фарз намознинг учинчи ва тўртинчи ракатида зам сура ўқилмайди. Валлоҳу аълам!
