Нега очликдан одамлар ўлади?
Ассалому алайкум! Кўп марта африкадаги болаларни очликдан вафот этаётганини гапиришади. Бу хақиқат бўлса керак. Уларни ота-оналари фарзандларини боқишга харакат қилмасдан ўтирмаса керак деб ўйлайман. Аллоҳ таоло айтади: “Ерда ўрмалаган нарса борки, барчасининг ризқи Аллоҳнинг зиммасидадир. У Зот уларнинг турар жойларини ҳам, борар жойларини ҳам билур. Ҳамма нарса очиқ-равшан Китобда бордир”(Ҳуд, 6). Ризқ Аллоҳнинг зиммасида бўлса, нега бу болалар ёки одамлар очликдан вафот этишяпти?
– Ва алайкум ассалом! Аллоҳ таоло ҳар бир банданинг зарурий миқдоридаги ризқига кафилдир. Ундан ортиғига кафил эмас. Инсонлар ўзларига берилган ризқни исроф қилиб, кераксиз ўринга ишлатиб юбориб, сўнгра очидан ўлса, “Аллоҳ буларнинг ризқига кафил эмасмиди?!” деб эътироз қилишимиз оқил кишининг сўзи бўладими? Валлоҳу аълам!
