Рассрочка

11:53 / 07.10.2022 | Behzod | 1049

Ассалому алайкум! Хозирда Анорбанк мижозларига рассрочка карта бермоқда. Бу картада 30 млн. сўмгача маблағ мавжуд бўлади. Бу карта фақат банк билан хамкор дўконларда ишлайди. Мижоз шу картадан банк билан хамкор дўконларда мол сотиб олса, хамкор дўкон килинган савдодан маълум қисмини банк билан тузилган шартномага асосан банкка тўлаб беради. Масалан, 1 млн. сўмлик товар сотилса дўкон банкка шу суммадан 100 минг сўм банкка ўтказиб беради. Мижоз эса олинган товар нархини яъни 1 млн. сумни дўкон белгилаган муддатда бўлиб бўлиб, Устига фоиз қўшмасдан банкка тўлайди. Бу холатда рассрочкага олинадиган товар мижоз учун халол бўладими?

«Зикр аҳлидан сўранг» ҳайъати:

– Ва алайкум ассалом! Банк томонидан тақдим этилган шартномага кўра тўлов кечиккани учун жарима мавжуд экан. Бу эса ҳалол эмас. Валлоҳу аълам!