Мазий ҳақида
Ассалому алайкум! Бамдодга турсам ўзимда бироз намлик сездим, мазий ёки иссиб кетиб тер чиққанми билмадим, терлаганман деб ўйладим. Уйқуга ётганимда таҳоратим бўлгани боис фаржларимни ювмасдан, кийимимни алмаштирмасдан намоз ўқидим. Намозим дурустми?
– Ва алайкум ассалом! Чиққан нарса аниқ мазий бўлса ғусл вожиб бўлмаган.
ولا يجب الغسل اتفاقا فيما إذا تيقن أنه ودي تذكر الاحتلام أو لا أو شك أنه مذي أو ودي ولم يتذكر الاحتلام أو تيقن أنه مذي ولم يتذكر الاحتلام ، ويجب الغسل عندهما لا عند أبي يوسف فيما إذا شك أنه مني أو مذي أو مني أو ودي ولم يتذكر الاحتلام فيهما
Ушбу ҳолатларда бил-иттифоқ ғусл вожиб эмас:
- туш кўрганини эслай олса ҳам, эслай олмаса ҳам, агар (чиққан нарса) вадий эканини аниқ билса;
- (чиққан нарса) мазий ёки вадий эканида шак қилса ва туш кўрганини эслай олмаса;
- (чиққан нарса) мазий эканини аниқ билса ва туш кўрганини эслай олмаса.
Ушбу ҳолатларда улар(Абу Ҳанифа ва Муҳаммад роҳматуллоҳи алайҳимо)нинг наздида ғусл вожиб бўлади, Абу Юсуф (роҳматуллоҳи алайҳи)нинг наздида вожиб бўлмайди:
- (чиққан нарса) маний ёки мазий эканида шак қилса ва туш кўрганини эслай олмаса;
- (чиққан нарса) маний ёки вадий эканида шак қилса ва туш кўрганини эслай олмаса. (Баҳрур роиқ). Валлоҳу аълам!
