Гуноҳга шерик бўлмадимми?

Ассалому алайкум! Мени туғишган опам боғчада ишлайди. Бир куни икки йигит келиб, ўзларини банк ходими эканликларини айтган ва кредит таклиф қилишган. Опам ва 2 ҳамкасби рози бўлиб шартнома қилишган ва опам 7млн, иккинчиси 10 млн, учинчиси эса 11млн миқдордаги пул олишга келишган. Кейин билишса улар фирибгар экан. Ва "Қўлингдан келганини қилиш, пул ҳам маиший техника ҳам бермаймиз", дейишибди. Шунда мен ички ишлар ходимларига уларнинг пулларни ундириб беришларини сўраб мурожаат қилдим. Ва фирибгарлар топилиб, уларнинг шахсий дўконларидан 7 млн ва 10 млн сўмлик маиший техникалар ундириб олинди. Лекин опамнинг ва ҳамкасбларининг ойлик маошлари 2йил давомида ўша имзо қўйиб берган суммадаги кредитга кетар экан. Мен кейин ўйлаб қолдим. Уларга ёрдам бериб, гуноҳга шерик бўлмадиммикин деб, ахир 2 йил кредит тўлашар экан-ку?