Қандай йўл тутилади?

Ассалому алайкум! Россиянинг худудий марказ шаҳарларини бирида супермаркет қўриқлаш хизматида ишлайман. Бу ерда Марказий Осиё давлатларидан келиб ишлаётган ватандошларимиз талайгина. Кунлик харид максадида ватандошларимиз мен ишлаётган супермаркетга кириб туришади. Ватандошларимиз орасида шу ерлик туб аҳолини турмуш тарзига тақлид қилиб яшаётганлари ҳам бор албатта. Аниқрок қилиб айтсак спиртлик ичимликлар ва бошқа ҳаром ҳисобланган озиқ-овқат маҳсулотларини истеъмол қилувчилар. Мен иш вақтим давомида ватандошларимизни шу ҳаром нарсаларни харидини гувоҳи бўлиб туриб, индамай туришимда қанчалик охиратимга зиён етиши мумкин? Баъзи ватандошларимиз тўғри тушунишса, баъзилари тушунгиси келмаслиги аниқ. Жаноби Расуллуллоҳ соллаллоҳу алайҳи васалламнинг: "Мусулмон мусулмонда мункар ишни кўрса қўли билан қайтарсин. Агар бунга қодир бўлмаса тили билан қайтарсин. Агар бунга ҳам қодир бўлмаса ҳеч бўлмаганда қалбида шу ишга норози бўлсин " деган ҳадиси шарифига биноан сўз уқадиганларига айтишга ҳаракат қиламан. Уқмайдиганларига қалбимда норози бўлиб тураман.