Сотиб олишда бошқа манзилни киритиш
17:10 / 22.12.2022 | Salohiddinov Muhammad Aminxon | 610
Ассалому алайкум! Ўтган йили 8619-саволга яъни «Дастур эгасининг ҳаққи борми?» номли саволга жавоб берганингиздан сўнг, Адобе дастурларини расмий обуна билан ишлатишни бошладим. Мен ишлатган вақтда Адобе нинг барча дастурлари учун чегирма нархида 34$ га обуна бўлиб, фойдаланиб келяпман. Ҳозир янги обуна бўладиганлар учун 55$ бўлиб қолган экан. Обуна бўлиш учун маълумотларни киритаётганда, Туркия манзилини танласа обуна нархи 8$ бўлар экан. Имконияти етмай, уларга қимматлик қилаётганлар шу йўл билан расмий равишда обуна бўлиб ишлатса бўладими?
«Зикр аҳлидан сўранг» ҳайъати:
– Ва алайкум ассалом! Жоиз эмас. Дастур эгалари бундай макр қилишингизга рози бўлишмайди. Валлоҳу аълам!
