Таҳоратда кафт орқаси ва таҳоратхонада тувак
Ассалому алайкум! 1. Яқинда билиб қолдим, таҳоратда оғиз бурун чайилгандан сўнг қўлларни тирсаклар билан ювишда кафтлар ҳам орқаси билан тўлиқ ювиларкан, бўлмаса фарз адо бўлмас экан. Мен шу пайтгача таҳорат бошида кафтларимни ювдимку деб тирсакларни ювишда кафт орқасини ювмасдим. Шунча вақт қилган таҳоратим таҳорат бўлмаганми? Ёшим 38 да. 3,5 йилдан бери намоз ўқийман. 2. Қишлоқда ҳожатхона ташқаридалиги учун аёлим кечаси таҳоратхонага тувак киргизиб пешоб қилади. Шу таҳоратхонада таҳорат қилишда овоз чиқариб дуо қилиш мумкинми?
– Ва алайкум ассалом! 1). Таҳоратнинг аввалида қўлингиз ўша қисмини ювган бўлсангиз ёки таҳорат асносида ўша қисмига тўлиқ сув етган бўлса таҳоратларингиз дуруст бўлган. Бундан буён суннатга мувофиқ шаклда таҳорат қилинг.
2). Нажосат тўпланадиган жойда тилингиз билан дуо қилмасликка ҳаракат қилинг. Валлоҳу аълам!
