Исломни ёмонлайдиган қаримдошлар

Ассалому алайкум! Мени яқин қаримдошларим бор, неча йиллардан бери борди келди қилиб гаплашиб юрамиз лекин охирги бир неча йиллардан бери тинч гаплашиб ўтирсак ҳам гапни ислом дини ҳақида ёки динни эслатадиган домлалар, сахобалар, мазхаблар, намоз, закот ва бошқа ибодатлар томонга буришади ва ёмонлашни бошлашади. Масалан: домлаларни ғийбатини бошлашади у ёмон бу ёмон деб ёки тарихда уруш бўлган Али розиёллоҳу анҳу билан Оиша розиёллоҳу анхо ўрталарида деб фитналар қўзишади (кейин ўргандим у ерда хаворижлар фитна қилишган экан) ва яна ўзи ибодатли одамлар қолоқ бўлишади дейишади ва европа ривожланган ва улар маданиятли деб билишади ва динни мазах қилиб куфр ёки куфрга жуда яқин гапларни ҳам гапиришади. Шундан кейин мен силайираҳм деб улар билан кўришганда дин ҳақида умуман гапирмасликка ҳаракат қилдим лекн фойдаси бўлмади. Шунинг учун охири салом алик билан бўлса ҳам силайираҳмни ушлаб турақолай дедим. Шундай қилсам бўладими ёки нима қилишни маслахат берасизлар?