Тақвимдаги хато учун

Ассалому алайкум, ҳурматли Шайх Ҳазратлари! Ҳазрат мен 2013 йил Оила тақвимини тутиб намоз ўқиган эдим. Кейин билсам, унда декабр ойида 20 кун 15, 20, 30 минутча олдин вақтни кўрсатишган. Аслида намоз вақти шунча вақтлардан кейин кирган экан. Энди намозларимни қазосини қандай ўқийман деб тушунмаяпман. Қайси намозимни вақтида ўқиганман яъни ўша тақвим бўйича, қайсиларини кеч ўқиганимни билмайман. Аммо айримларини вақтида ўқиганим аниқ. Айниқса асрни вақтида ўқишга ҳаракат қилардим. Шунда кеч ўқиганларим тўғри бўлади. Саволимни тушундингиз деб умид қиламан. Қанақа қилиб энди намозларимни қазосини ўқий? Шайх Муҳаммад Содиқ Муҳаммад Юсуф: - Беш вақт намознинг барчасини олдин кўрсатишганми? - Ҳа, олдин кўрсатишган, Шайх Ҳазратлари.