Ўғирликдан қайтдим
02:00 / 18.05.2023 | Fikirijon | 441
Ассалому алайкум! Мен ўғирликлар қилганман Аллоҳ кечирсин энди ўша олган нарсаларимни пулини ёки ўзини беришга қодирман лекин у ўғирлатган одамларни топа олмайман. Шунинг учун ўғирланган нарсани миқдоридаги пулни ўша одамлар хақига эхсон қилиб юборсам бўладими? Агар бу иш нотўғри бўлса тўғрисини айтинг.
«Зикр аҳлидан сўранг» ҳайъати:
– Ва алайкум ассалом! Аллоҳ таоло ҳидоятга муваффақ қилгани муборак бўлсин. Тўғри ўйлабсиз, ўғирланган буюмларни ўз эгаларига қайтариш, агар уларни топиш имконсиз бўлса уларнинг номларидан фақир-мискинларга садақа қилиб юбориш ва истиғфор айтиш лозим. Валлоҳу аълам!
