Намоз ўқишда эрнинг розилиги
Ассалому алайкум! Яқин танишим намоз ўқишни, хижобда киришни неччи йилдан бери хохлашини аммо бунга эри жуда хам қаршилигини айтиб қолди. Эрни розилиги биринчи ўринда гапларига қарши чиқолмайман дейди. Бу қанчалик тўғри?
– Ва алайкум ассалом! Аллоҳнинг фарзида бандасидан рухсат сўралмайди. Аллоҳ эрининг ғазабидан қутқара олади, аммо эри Аллоҳнинг ғазабидан қутқара ололмайди. У танишингиз Аллоҳга итоат қилсин.
عَنِ الْحَسَنِ قَالَ: قَالَ رَسُولُ اللهِ صَلَي الله عَلَيْهِ وَسَلَّم: لَا طَاعَةَ لِمْخْلُوقٍ فِي مَعْصِيَةِ الْخَالِقِ. رَوَاهُ ابْنُ أَبِي شَيْبَةَ. (متفق عليه)
Ҳасандан ривоят қилинади:
“Расулуллоҳ соллаллоҳу алайҳи васаллам: “Холиқнинг маъсиятида махлуққа итоат йўқ» – дедилар”. Ибн Абу Шайба ривоят қилган. (Муттафақун алайҳ).
Яъни, бандани рози қиламан деб, Аллоҳ таолони норози қиладиган нарсани қилиб бўлмайди. Ҳижоб деб махсус қора ёки бошқа рангли махсус тикилган кийимга маҳкам туриб олмасдан нима билан бўлса ҳам авратларингизни тўсинг. Кийимда икки шарт бўлади. Бири ичи кўринадиган даражада шаффоф бўлмаслиги иккинчиси аъзоларни бўртиб кўринадиган даражада тор бўлмаслиги. Валлоҳу аълам!
