Ниқоб ҳақида
Ассаламу алайкум! Алҳамдулиллаҳ ҳижобдаман. Ниқобда юришни ёқтираман, лекин у кимларнингдир гап-сўзлари ёки фитна учун эмас Астағфируллоҳ. Фақат ёлғиз юрганимда ниқобда юраман, чунки ён атрофимдаги дугоналарим ҳижобда эмас, уларга ноқулайлик туғдиришни ҳам хоҳламайман бир томондан. Бугун бир дугонам "сен қилиб юрган ишинг нотўғри, ниқобга бир киргандан кейин доим юзни шунақа бекитиб юриш керак, очмаслик керак, мен ўқиганман" деди. Шу масалага ойдинлик киритиб бера орасизми?
– Ва алайкум ассалом! Бизда бошқа юртлардаги каби ниқобда юриш урф бўлмагани учун сиз айтган ниқобни таққан аёллар тақмагандан кўра кўпроқ эркакларни ўзига жалб қилади. Агар шунчалик тақво қилсангиз тиббий ниқобни тақиб юрсангиз ҳам бўлади. Бу нарса нафақат бизни урфимизда балки бутун дунёда ҳам ғариб бўлмай қолди. Валлоҳу аълам!
