Закот
16:35 / 11.09.2023 | Абдукодир | 600
Ассалому алайкум! Тилла нисобидан закот берилганда оғиздаги тилла тиш хам тиллага қўшиб хисобланадими?
«Зикр аҳлидан сўранг» ҳайъати:
– Ва алайкум ассалом! Савол: Тилло ва кумушдан ясалган бурун, тиш ва суяакларни бир-бирига улаш учун қўйилган тиллолардан закот бериладими?
Жавоб: “Раддул мухтор”да закот вожиб бўлмайдиган нарсаларни саналиб, улардан закот берилмаслигига сабаб ўсувчи эмаслиги деб айтилган. Шунинг учун тиш ёки бурунни бемолол чиқариб, сотиб юборадиган имкониятда бўлса, унда закот вожиб бўлади. Агар маҳкамлаб қўйилган бўлса, закот вожиб бўлмайди.
لِأَنَّهُ غَيْرُ مُتَمَكِّنٍ مِنْ الزِّيَادَةِ
“Чунки зиёда бўлиш имкони йўқдир” (Раддул муҳтор, Имдодул фатаво). Валлоҳу аълам!
