Закот ва қарз масаласи.

20:20 / 09.10.2023 | Kamoldin | 811

Ассалому алайкум! 1. Биз савдогарчилик билан шуғулланамиз. Хар йили Қурбон хайитидан олдин закот чиқаришга одатланганмиз. Бу йил бахорда 7500$ бериб сентябр ойини бошида 10.000$ бериш шарти билан қарзга машина олганмиз. Хозир июн ойидамиз. Молларимизни хисоблаганимизда кузда бериладиган 10.000$ қарзимизни чиқариб ташлаб қолганидан закотни хисоблаймизми? 2. Шуни аксига ўхшаш холат. Биздан бир мижозимиз 2 йил олдин 22.000$лик мол олган эди. Бир йил ўтмасдан закот чиқарадиган пайтимиз келганда беради деб умид қилиб у пулдан закот чиқарганмиз. Бу йил учинчи йил келяптурганда у қарздор бизга бир машинафуруш билан келишиб вариантга 16.000$ га машина олиб номимизга хам ўтказиб берди. Энди унда 6000$ хақимиз қолди. Шу пул закотга қўшиладими йўқми?

«Зикр аҳлидан сўранг» ҳайъати:

– Ва алайкум ассалом! 1). Ҳа, қарзларингизни чиқариб ташлаб, нисобни ҳисоблайсиз.

2). Ўша 6000 дан закот чиқарасиз. 16000 лик машинани қайта сотиш мақсадида олган бўлсангиз унинг қийматидан ҳам закот чиқарасиз. Валлоҳу аълам!