Закотни ижарага тўлаш
14:41 / 12.10.2021 | Абдуллоҳ | 1008
Ассалому алайкум! Махалламизда бир қийналган оила бор. Шу оиланинг кенжа ўғли уйланиш арафасида. Уйдаги шароитдан келиб чиқган холда, унга, уйлангандан кегин, алохила яшаши учун ижарага уй олиб бермохчи эдик. Савол: ижарага олиб бериладиган уй пулини, келаси йилдаги закотимиздан деб, ният қилиб, тўлаб борсак бўладими?
«Зикр аҳлидан сўранг» ҳайъати:
– Ва алайкум ассалом! Келаси йилнинг закотидан берсангиз бўлади. Лекин сиз тўлаб боришингиз нотўғри бўлади. Чунки закотда тамлик – мулк қилиб бериш шарти бор. Яъни закотни олган киши уни мулки сифатида ўзи хоҳлаганича ишлатиш имконига эга бўлиши керак. Сиз ўша йигитнинг ўзига берсангиз, у тўласа бўлади. Валлоҳу аълам!
