Армия пайтида рўза тутиш
15:44 / 19.06.2014 | Muhammadali20 | 3391
Ассалому алайкум, ҳурматли Шайх Ҳазратлари! Келаётган Рамазон ойини Аллоҳ ҳаммамизга муборак айласин. Излаш хизматидан худди шундай саволни тополмадим... Устоз, келаётган Рамазон ойининг ярмида мен армияда бўлишимга тўғри келяпти. Маълумингизким, у ерда рўза тутишнинг иложи йўқ. Нима қилсам бўлади, кетгунча тутиб, қолганини келганда тутсам бўладими, бу сафардалик ҳукмига ўтадими? Жавобингиз учун олдиндан раҳмат. Қимматли вақтингизни олганим учун узр.
Шайх Муҳаммад Содиқ Муҳаммад Юсуф роҳимаҳуллоҳ:
Вақти келмаган ибодатни олдиндан бажариб бўлмайди. Ниятни яхши қилинг. У ерда ҳам рўза тутишни ният қилинг. Имкони бўлмаса, кейин қазо қиласиз. Сафар масаласи армияда ва бошқа ерда бир хил.
