Пеняни мукофот тарзида бериш

Ассалому алайкум! Қонунда шартнома иштирокчи бўлган ҳар бир тараф учун, яъни буюртмачи ва ижрочи учун товар, иш ва хизматларни кечиктирганлик учун жавобгарлик бор. Бу турли фоизлардаги пеня билан ифодаланади. Айни пайтда, даъво қилувчи тараф суд орқали пенядан ташқари етказилган зарани ундириши мумкин. Бу иш билан эса корхона юристларининг вазифаси. Шунингдек, қонунда "юридик хизмат ходимлари ҳар чоракда судгача ва суд тартибида давлат органи ва ташкилоти фойдасига ҳал қилинган низолар юзасидан ундирилган сумманинг 5 фоизи, бироқ базавий ҳисоблаш миқдорининг 50 баробаридан кўп бўлмаган миқдорда мукофотланади" деб белгиланган. Шу масала менда пайдо бўлган саволларга жавоб берилишида ёрдам сўрайман 1. Менга юристлик қилганим учун ойлик тўлашади. Пеня ундириш чорасини кўриш эса менинг вазифаларим қаторига киради. Ойлигим ҳалол бўладими? 2. Агар жавобгар тарафдан ҳам пеня, ҳам етказилган зарар ундирилса, қайси қисмдан мукофот олишим мумкин? аслида мумкинми? Савол узун бўлганлиги учун узр сўрайман.