Дўконлардаги гўшт ҳақида
Ассалому алайкум! Муҳтарам устозлар, мен Россияда ишлайман, Аллоҳга шукур намоз ўқийман. Шу ерлардаги дўконларда товуқ гўшти сотилиб, унга Россия Муфтиятининг “ҳалол” деган печати бор. Шу гўштни еса бўладими? Аллоҳ сизлардан рози бўлсин.
Ва алайкум ассалом! Шариатимизда икки нарсани асосий қоида қилиб олинган.
Биринчиси : Асли ҳаром бўлган нарсани, шаръий йўл билан ҳалол қилинганлиги собит бўлмагунича, у ҳаромлигича қолади. Масалан : Гўшти ейиладиган ҳайвонлар шариатга мувофиқ сўйилмаса, улардаги оқувчи қон чиқиб кетмаганлиги ва Аллоҳнинг исмларидан бирортаси зикр қилгани топилмагани учун у ҳаромлигича қолади. Тасмия айтиб сўйилгани собит бўлгач, ҳалолга ҳукм қилинади.
Иккинчиси : Асли ҳалол бўлган нарсалар бирор йўл билан ҳаром қилинганлиги собит бўлмаса, ҳалоллигича қолади. Валлоҳу аълам.
