Қурбонлик қилиш вақти
Ассалому алайкум! Минг бор узр вақтингизни олганим учун. “Бир ишим битса бир қўй сўяман” деб назр қилса, бу иши битса, қачон бўлса ўша қўйни сўйса бўлаверадими ёки белгиланган вақти борми? Саволдаги хато ва камчиликлар учун узр сўрайман. Жавобингиз учун каттадан катта раҳмат.
Ва алайкум ассалом! “Бир ишим битса бир қўй сўяман” деб назр қилиш икки хил бўлади.
1-Қўй сўйиб гўштини тарқатаман. Бу сувратда қурбонлик қилиш мақсад бўлмай гўштни садақа қилиш ирода қилинган бўлади. Бунда қўйни қачон сўйиб тарқатса бўлаверади.
2-Қурбонлик қиламан. Бу фақат Қурбонлик кунларига хос бўлиб, бошқа кунларда сўйиш билан адо бўлмайди.
Фуқаҳоларнинг кўпчилиги “Бу икки ҳолатда ҳам назр қилгани учун сўйилган гўштдан ўзи емайди” деганлар. Баъзилар “ўзи еса ҳам жоиз” деганлар. Валлоҳу аълам.
