Ассалому алайкум! Кўп ҳолларда ёши улуғ кишиларимиз намоздан кейин ёки бошқа жойларда тиллари шунга ўрганиб қолганиданми тажвидни бузиб Қуръон тиловат қилишади. Шундай ҳолатларда Қуръон маънолари ўзгариб кетса, улар гуноҳкор бўлиб қолишмайдими?
Ва алайкум ассалом! Улар гуноҳкор бўлиб қоладилар, лекин уларни Қуръонни ўқимасликка эмас, балки гўзал тарзда ўнглашга ҳаракат қилиш керак. Масалан, масжиднинг имоми ҳар намоздан олдин ёки кейин “Фотиҳа” сурасининг биттадан лафзини тўғри талаффуз қилишни масжид аҳлига машқ қилдириш керак. Шундай қилиб турилса ҳам талаби илм бўлади, ҳам вақт ўтиши билан бу муаммо тўғриланади. Валлоҳу аълам.