Қуръон эшитиш
07:47 / 10.10.2015 | Abumuslim | 3832
Ассаламу алайкум! Ҳурматли "Зикр аҳлидан сўранг". Мени телефонимда 30пора суралар бор. Шуларни мен эшитиб юраман. Аммо "Фотиҳа"дан кегин суралар фақат басмала билан бошланади. Мен қаерга келган бўлсам ёки бошқа сураларни эшитишдан олдин истиозани айтиб кегин ёқаман,яъни эшитишни бошлайман. Шундай қилишим тўғрими ёки бундай қилиш шарт эмасми?
«Зикр аҳлидан сўранг» ҳайъати:
Ва алайкум ассалом! Ҳар бир яхши ишдан аввал “Бисмиллаҳ”ни айтиш бор ва бу суннат амалдир. Набий алайҳиссалом ўз ҳадисларидан бирида:
«Эътиборли ҳар бир иш «Бисмиллаҳ» билан бошланмас экан, унинг охири кесикдир», – деганлар. Яъни унинг баракаси бўлмайди, охирига етмайди. ("Ҳадис ва Ҳаёт" китобидан). Эшитиш вақтида тааввузни айтиш ҳадисларда келмаган. Валлоҳу аълам.
