Рўзани очиш
10:16 / 20.07.2015 | maxsadilloh | 3712
Ассаламу алайкум! Мен рўза эдим, қорнимнинг ўнг томони оғрий бошлади, қаттиқ оғримади, лекин эгилсам ўтирсам турадиган вақт оғриди. Бир соатча қарадим, оғриқ йўқолмади, мен “очликдан” деб оғзимни очиб юбордим. Кейин оғриқ йўқолди. Мен тўғри қилдимми? Албатта рўза чиқандан кейин 1 кун қазосини тутиб бераман. Менга каффорат лозим бўладими?
«Зикр аҳлидан сўранг» ҳайъати:
Ва алайкум ассалом! Очлик ва сувсизлик оқибатида ҳолдан тойганлар.
Ўта қаттиқ очлик ёки сувсизлик оқибатида ҳалок бўлиш даражасига келган, ақлига ёки бирор аъзосига шикаст етиши хавфи туғилган киши ҳам рўза тутишдан узрли ҳисобланади. У ҳам кейин қазосини тутиб беради. Чунки Аллоҳ таоло «Ўзингизни ўзингиз ҳалокатга ташламанг», деган (Бақара сураси, 195-оят).(“Кифоя”). Валлоҳу аълам.
