Дўстимни дуо қилинглар
Ассалому алайкум! Аллоҳ сизларни қилаётган амалингизни бардавом айласин. Биродаримнинг фарзандини машина туртиб кетган, дуо қилинглар у ҳозир шифохонада. Ушбу ойларда дуо қилсангизлар ин ша Аллоҳ дуоларингиз қабул бўлади.
Ва алайкум ассалом! 2613. Анас розияллоҳу анҳудан ривоят қилинади:
«У киши ўзига «Тобим йўқ», деган Собитга:
«Сенга Расулуллоҳ соллаллоҳу алайҳи васалламнинг дам солишлари ила дам солиб қўяйми?» деди.
«Ҳа», деди у.
«Аллоҳумма! Роббаннаси, музҳибал баъси. Ишфи. Анташ-шаафий. Лаа шаафия иллаа анта. Шифаан лаа юғодиру сақман», деди».
Тўртовлари ривоят қилганлар.
Шарҳ: Мазкур дам солиш Пайғамбаримиз соллаллоҳу алайҳи васалламнинг энг машҳур дам солишларидир. Унинг маъноси қуйидагича:
«Аллоҳим! Одамларнинг Робби! Шиддатни кетказгувчи! Шифо бер. Шифо берувчи Сенсан. Ўзингдан ўзга шифо берувчи йўқ. Ҳеч дардни қўймайдиган шифо бер!» (“Ҳадис ва Ҳаёт”). Валлоҳу аълам.
