Аёллар қабр аҳлига кийимсиз кўринадими?
01:44 / 03.07.2015 | muhiddin bekchanov | 6798
Ассалому алайкум! Аллоҳ рози бўлсин, сизлардан! Аёл киши қабристондаги ётган марҳумларга кийимсиз кўринадими ва уларга озор берадими? Умуман аёлларни қабристон зиёратига боришидан бормагани маъқулми? Жавоб учун раҳмат, Аллоҳ куч-қувват берсин!
«Зикр аҳлидан сўранг» ҳайъати:
Ва алайкум ассалом! Расулуллоҳ солаллоҳу алайҳи васаллам Оиша онамизнинг уйларига дафн қилинганлар. Оиша розияллоҳу анҳо: “Расулуллоҳ солаллоҳу алайҳи васаллам дафн қилинган вақтда зиёратга ўранмасдан кираверар эдим. Абу Бакр розияллоҳу анҳу дафн қилинганидан кейин ҳам шундай. Умар розияллоҳу анҳу дафн қилингач ўраниб кирадиган бўлдим”, деганлар. Валлоҳу аълам.
