Имомга иқтидо қилиш
Ассалому алайкум! Ҳурматли зикр аҳлидан сўранг аъзолари! Саволим такрорий бўлса олдиндан узр сўрайман. Имомга иқтидо қилган одам нималарни ўқиб ва нималарни ўқимайди? Жавобингиз учун олдиндан раҳмат.
Ва алайкум ассалом! Иқтидо қилган киши, имом такбир таҳримани айтганида орқасидан такбирни айтиши фарз. Айтмай жим тураверса, имомга иқтидо қилмаган бўлади. Сўнг сано ўқийди ва жим туради. Бир амалдан бошқа амалга ўтаётганда имом такбир айтса, иқтидо қилувчи ҳам такбир айтиши суннат амали. Рукъуга борганида тасбеҳ айтади, рукъудан қайтганда “Роббана лакал ҳамд” дейди, саждада тасбеҳ айтади, қаъдада ташаҳҳудни ўқийди ва охирги қаъдада ташаҳҳуд билан бирга саловат айтади ва бандалардан сўралмайдиган ҳожатни Аллоҳдан сўрайди. Сўнг имом билан бирга салом беради. Шулардан бошқа ўринларда жим туради. Валлоҳу аълам.
