Турли ноисломий ёзув ва расмли либосларни кийиш
17:56 / 27.03.2015 | Мурод Хакимов | 3174
Ассаламу алайкум! Савол: Кўча-куйда, айниқса масжидларда мусулмон биродарларимизнинг билиб-билмай ноисломий ақидаларни тарғиб қилувчи, севги-муҳаббат, ёки ғарб давлатларининг ва маданиятининг мақтовчи либосларни кийиб олганини кўрамиз. Бу либосларнинг ибодатларга, айниқса, намозга таъсири борми? Умуман, мусулмон киши учун бундай либосларнинг ҳукми қанақа?
«Зикр аҳлидан сўранг» ҳайъати:
Ваалайкум ассалам! Аллоҳ таоло “Эй одам болалари! Ҳар бир ибодатда зийнатингизни олинг” деган. Ҳадисда сурат бор уйга фаришта кирмаслиги айтилган. Хусусан, намозда сурати бор кийимни кийиш жоиз эмас. Сурат намоз ўқувчининг орқасида бўлса, орқада турганнинг рўбарўсида сурат тургани учун унинг намози макруҳи таҳримий(ҳаромга яқин макруҳ) билан адо бўлади.
