Шумланишми ёки касаллик

Ассалому алайкум, ҳурматли Шайх Ҳазратлари! Шумланиш мусулмон кишига мумкинмаслигини билдим. Мени неча йилдан бери қийнаб келаётган бир ҳолат бор. Менда йўқ нарсадан хавотирланиш бўлади. Яқин кишим оламдан ўтиши ёки автоҳалокат, шунга ўхшаш нарсалар бўлиши мумкин деб, худди бўлиши аниқдек ишониб қоламан. Илмим етмагани шуки, бу ҳолат ҳам шумланишга кирадими ёки шумланиш фақат ибодатга тааллуқли ишлардагина бўладими? Бу ҳолат мени ҳам диний ҳам дунёвий ишларимга халақит беради, яъни жуда тушкунлик ҳолатига кириб қоламан.