Оила ҳақида

Ассаламу алайкум, ҳурматли Шайх Ҳазратлари. Устоз, уйланганимга 6 йил бўлди, 2 та фарзандим бор. Аёлим бошида озгина келишмочилик бўлган эди, менга индамасдан уйига кетиб қолди. Уйидан олиб келдим, кейин ёлғон гапира бошлади. Мен яна чидадим. Кейинчалик “ишламайсан” десам, онасини чақирди. Онаси бизникига келиб “болам нимага ишламайди?” деб роса жанжал кўтарди. Онасига “отам касал, секинроқ гапиринг” десам, “отангни мен касал қилибманми?” деди. Мени ҳам жаҳлим чиқиб кетди. Яна уйига кетди, мен яна олиб келдим, кейин яна онамга бақириб “ўғлингиз ёмон, уни олиб берганман, буни қилиб берганман” деб инсулт отамнинг олдида бақирибди. Мен ишдан келгунимча яна индамай кетиб юборибди. Устоз, бу инсон мени олдимда бошқача, кўчада бошқача. Шу кунгача чидадим, “энди сени уйлаймиз” дейишябди. Мен шундай қилсам Аллоҳнинг лаънатига учрамайманми? Виждон азобидаман, маслаҳат беринг.