Шундай қилиш мумкинми?

Ёшим 40да аёлимники эса 36 да. 3та фарзандимиз бор. Учинчи фарзандимдан кейин аёлимнинг соғлиги кўтармасдан яна 3та ҳомила нобуд бўлди. Ҳозирча ҳомилани тўсадиган воситалардан фойдаланганимиз йўқ. Шифокорларнинг айтишича аёлимнинг ёши ўтгани учун ва яна иммунитети пастлиги учун ҳомила бўлиши қийин эмиш. Иммунитетни тиклаш учун бир неча бор даволатдим, фойдаси бўлмади. Яна аёлимнинг юзига бир нарсалар тошадиган касали бўлиб, бу ошқозони касаллигидан экан. Буни ҳам даволатдим. Ошқозони тузалди, лекин юзидаги тошмалар тўхтамаяпти. Бу ҳам имунитетни пастлиги ва гармонлар етишмаслигидан экан. Иммунитетни кўтариш учун яна бир йўл бор эмиш. У бачадонга қандайдир укол қилса, гармонлари кўтарилиб, иммунитети жойига тушар экан ва аёлимнинг касалликларини шунда даволаш мумкин экан. Лекин ўша уколдан кейин аёлим бошқа қайтиб туғмас экан. Шу уколни қилиш шаръан жоизми?