Ғайридин билан бир хонада яшаш

Ассалому алайкум! Мен Америка қўшма штатларига амалиёт ўташ учун келдим. Ҳозирда ижарада битта уйда турибман. Бирга туриш учун ўзбеклар ёки мусулмонларни ҳали тополмадим. Мен турган шаҳарда ўзбеклар жуда кам шекилли. Мен билан бирга ишлайдиган бир бола(мусулмон эмас) билан бир хонада туриш шаъриятимизга тўғри келадими ёки йўқми? Ошхона битта бўлганлиги учун у бола ҳам мен ҳам битта ошхонада алоҳида алоҳида овқат қиляпмиз. Музлатгич ҳам алоҳида 2 та. Идиш товоқлар ҳам алоҳида. 1. Шу ҳолатда у бола билан бирга туришим мумкинми? Ёки алоҳида уйда туриш керакми? 2. Ғайридин билан бир столда овқатланиш мумкинми? Масалан, ишхонада ҳамма ўзи уйидан овқат олиб келиб овқатланар экан. Уларни Ҳалол бўлмаган таоми столни устида турса, мен ўзимни таомимни улар билан бир столда ейишим мумкинми? Ишхонада шу ҳолатга дуч келиб қоляпман. Уйда ҳам ҳалиги бола билан бир вақтда бир столда овқатланишга тўғри келиб қоляпти.