Кечикиш эвазига чегирма

Уй сотиб олинганида шартномада “Уй сотувчи уйни 1 сентябрга бўшатади ва харидор қолдиқ қисм пулни 1 ой орасида, яъни 1 октябргача тўлайди”, деб келишилган. Лекин уй сотган шахс, уйни ўз вақтида бўшата олмади ва харидордан бир неча марта муҳлат сўраб 40 кунгача чўзди. Шунда ҳам бўшата олмай, 8 октябрда телефонда "Яна бир оз вақт берсангиз, умумий нархдан 1% чегирма бераман", деди, харидор рози бўлди. 10 октябрда уй сотган шахс юзма-юз кўришиб, энди 0,5% чегирма тўғрисида гапирди ва яна 15 кун муҳлат сўради, харидор 10 кунга рози бўлди. Лекин олдинги 1% га қўшиб яна 0,5% чегирмами ёки умумий чегирма 0,5% ми бунга аниқлик киритилмади. Харидор эса худди шартномадагидай уй пулини уй бўшагач, 1ой ичида беришини айтди. 1) Харидор пулни беришни 1 ойга чўзса ҳақлими? 2) Ушбу вазиятда шу турда чегирма бериш ва уни қабул қилиш мумкинми? 3) Агар мумкин бўлса, чегирма бераётган одам бир мартада берилган чегирмасини вақт ўтиб камайтириши мумкинми?