Қазо намозларни хар куни ўташ

Ассаламу алайкум! Ҳурматли ва азиз Устозлар! Опамларнинг илтимослари билан шу саволни сизларга бераяпман. Ёшлари 55 да, 32 ёшларидан бошлаб 5 махал намозни ўқишни бошлаганлар. Айтишларича 20 йиллик қарзлари бор экан. Марҳум шайх Ҳазратларидан эшитгандим, "Намозни фақат намоз билан ёпиб бўлади" деганларини, яъни муборак кунларда фалон намоз ўқилса, 1 йиллик намоз ўрнига ўтади, деган гаплар манимча фақат савоби берилиши мумкин, агар Аллоҳ ҳохласа, ўталмаган намозни ўрни босилмайди деб тушундим. Тўғри тушундимми? Опамлар ҳар куни “1 йилда 5 йиллик қазони ўтайман” деб 5 махал намоздан ташқари 17 ракъатдан 5 марта ўқимоқдалар. Менда 9 йиллик қарз бор, яъни 22 ёшимдан бошлаганман. Мен ҳам шундай қилсам бўладими? Мен 17 ракъатлик намоздан 5 махалдан ташқари 2 махал ўқий оламан холос, чунки корхонада ишлайман. Шу ишимиз тўғри бўладими? Сизларга офият ва соғлик тилаб, ишларингизга ривож тилайман, Аллоҳ асрасин хаммамизни. Катта раҳмат!