Намоз ўқиладиган жойлар

Ассаламу алайкум! Мен бир марта “қаерда намоз ўқиш мумкин эмас” деб маҳалламиз имомидан сўраган эдим. Улар “молхона, ҳожатхона, қабристон, суратни олдида ва яна Каъбани устига чиқиб намоз ўқиш мумкин эмас” деган эдилар. Лекин яқинда сизларга бир одам Каъба ҳақида сўраганида сизлар, "Тўртинчиси. Агар бирор киши Каъбанинг устига чиқиб намоз ўқиса ҳам намоз дуруст бўлади. Агар Каъба маъбуд бўлганда мусулмон уни тепасига чиқиши ёки тепасида намоз ўқиши жоиз бўлмас эди. Чунки Аллоҳдан бошқага ибодат қилувчилар маъбуд деб билган нарсаларнинг устига чиқишни ахмоқлик деб биладилар. Каъба маъбуд бўлмагани учун ҳам мусулмонлар унинг устига чиқиб намоз ўқишни жоиз деб биладилар". Каъбанинг устида намоз ўқиш мумкинми? Ва яна қандай жойларда намоз ўқиш мумкин эмас?