Исм маъноси
22:09 / 18.02.2016 | eski savollar | 4442
Ассалому алайкум! Мен қизимга Зиннурай деб исм қўйгандим, уйдагилар Зайнура деб чақиришади ва ўғлимнинг исмини Муҳаммад Зайниддин қўйганман. Шу исмларнинг маъносини айтиб берсангизлар. Олдиндан раҳмат.
«Зикр аҳлидан сўранг» ҳайъати:
Ваалайкум ассалом! Араб тилида “Зу” калимаси “эга” деган маънони билдиради. “Нур” эса барчага маълум бўлган нурни ифода қилади. Шунга биноан “Зуннур” дегани “Нур эгаси, нурли” деган маъноларни ифода қилади. “Нуройн” нурни иккилиги бўлиб, “Зуннуройн” икки нур эгаси – деган маънодадир. Усмон ибн Аффон розияллоҳу анҳу Расулуллоҳ соллаллоҳу алайҳи васалламнинг икки қизларига бирин-кетин уйланганлари учун “Зуннуройн” яъни “Икки нур соҳиби” деб аталганлар. “Зайниддин” диннинг зийнати маъносидадир. Валлоҳу аълам.
