Фарзанд тарбияси

Ассалому алайкум! Ҳурматли ва азиз устозлар. Аввалдан узр сўрайман. Қизим 16 ёшда. Назаримда менга қулоқ солмаётгандай. Намоз ўқийди, Қуръон ўқийди, ҳар хафта илм топширади (янги сура тафсири билан). Лекин колледжи рус бўлгани учунми валлоху аълам кўп ойнага қараб, ўзига оройиш берадиган бўлиб қолди. Мусиқа эшитади, интернетда ўтиради. Кўп ранжиб қоляпман, яъни тушунтиришга ҳаракат қиламан, тақво сақлагин дийман, соддароқ бўлгин, кўзингни ердан олмагин ва ҳоказо. Хуллас бир она қиладиган насиҳатни иложи борича ҳар куни қиламан. «Она, мендан хавотир олманг, яхшиман» дейди, уй юмушларини ҳаммасини аъло бажаради, лекин барии бир мен ўзимни гуноҳкор ҳисоблайман. Ўзимни босишга роса ҳаракат қиламан, лекин барии-бир қаттиқ уришиб ташлайман. Нима қилай? Ранжиб қолсам қизимнинг бахтига таъсир қилмасин деб қўрқаман, Аллоҳдан сабр сўрайман. Балки вақти келиб улғаяр, шунақа ёшдамикин? Катта раҳмат!