Номаҳрам аёллар билан қўл бериб кўришиш

Ассалому алайкум! Ҳурматли устозлар бу саволни беришимга бир воқеа сабаб бўлди. Бир куни уйимизга аммамнинг қизи меҳмон бўлиб келди. У кишининг ёши мендан тахминан 25 ёш катта. Менинг ёшим 35 да. Бизнинг воҳада номаҳрам аёл ва эркакларнинг қўл бериб кўришиши удум бўлиб кетган деса ҳам бўлади. Ҳамма бунга оддий ҳолдек қарайди. Мен ўша куни меҳмон аёл яъни аммамнинг қизи билан қўл бериб кўришмаслик учун олдиларига кирмадим. Онам эса мендан хафа бўлдилар ва менга бу аёл бегона эмаску ва сиздан анча каттаку дедилар. Муҳтарам устозлар, шундай ҳолатда мен қандай йўл тутишим керак эди? Улар қўлини узатиб турса нима қилишим керак? Қимматли маслаҳатингиз учун ташаккур.