“Туҳфаи расул” намози ҳақида
03:29 / 06.05.2016 | jamoliddin | 6286
Ассалому алайкум! Анчадан бeри шом намозидан кeйин «туҳфаи расул» намозини ўқиб юрардим. Яқинда “бу бидъат амал” дeб эшитиб қолдим. Илтимос бу намоз ҳақида маълумот бeрсангизлар.
«Зикр аҳлидан сўранг» ҳайъати:
Ва алайкум ассалом! Шом намозидан кейин икки ракъат «Аввобийн» намози ўқилади. Пайғамбар соллаллоҳу алайҳи васалламнинг ҳадиси шарифларида бу намоз айнан шундай ном ила зикр қилинган. Баъзи бир ўзига тариқат шайхлиги нисбатини берадиган муҳтарамлар бу намозни нима сабабдан «Туҳфаи расул» деб номлаб олганларининг сабабини била олмадик. (“Тасаввуф ҳақида тасаввур” китобидан). Валлоҳу аълам!
