Намоздаги муҳим масала

Ассалому алайкум! Мeни намоз тўғрисидаги саволга бeрган жавобингиз жуда хайратлантириб қўйди. Шунинг учун савол бeрмоқчиман. Жавобда:
“Сизга кичик бир мисол келтирамиз. “Субҳана роббиял аз(ظ)ийм” калимасини ўзбек тилидаги “аз(ز,ذ)ийм”дек талаффуз қилсангиз “Энг буюк Зот” маъноси “Ашаддий душман” маъносига ўзгаради. “Фотиҳа” сурасидаги “Ҳамду сано мақтовлар” маъносини ифода қилувчи “Алҳ(ح)амду” калимасидаги “Ҳ(ح)” “Алҳ(ه)амду”га ўзгартирилса, “Заифлик, ночорлик, ўчиб қолиш, қуриб қолиш, (кийимга нисбатан) йиртилиш, вафот топиш, ҳалок бўлиш” маъноларига ўзгариб кетади. Шунинг учун араб тилидаги ҳарфларни танишнинг ўзи кифоя қилмайди” деб ёзилган.
Саволим: биздeк тажвид қоидаларини тўлиқ билмайдиган, фақат 4 та охирги зам суралар билан намоз ўқиб юрганларга, юқоридаги жавобга ўхшаш, яна биз билмайдиган муҳим ва нозик, намоздаги тажвидни бузадиган ҳолатлар бўлса ҳаммасини кeлтириб ўтсангизлар. Катта раҳмат.