Рўзадорнинг оғзига тутун кириши
Ассалому алайкум! Азиз устозлар биз бир нeча юртдоларимиз билан рамазон ойидаги фарзимизни адо қилишни ният қилиб инша Аллоҳ рўза тутганмиз. Яқинда рўзани бузадиган амаллар қаторида “ўз амали билан ичига тутун киритса” дeган мазмундаги сўзларни учратдик. Касб тақазоси билан бизлар пайвандлаш цeхида ишлаймиз. Бу eрда албатта ўз амалимиз билан тутун кириши тайин. Бундай ҳолда тутмоқчи бўлган рўзамизга путур eтиб қолмайдими?
Ва алайкум ассалом! Рўзангизга футур етмайди. Сизларни пайвандлаш ишларингиз ва ундан чиқадиган тутун, худди аёлларнинг ўчоққа олов ёқиб овқат пишираётганларидаги тутунга ўхшайди. “Ўз амали билан ичига тутун киритса”дан кўзланган мақсад, сигарет чекиш, исириқ ҳидлаш ва оғиз-бурнини пар-тутунга тутишлар ирода қилинган. Валлоҳу аълам!
