ШЕРИКЧИЛИК ҲУКМИ (илтимос жуда муҳим)

Ассалому алайкум ва раҳматуллоҳи ва барокатуҳ!Йўқдан бор қилган, инсонни мукаррам қилган Аллоҳ субҳанаҳу ва таолога ҳамду-сано, шукроналар бўлсин! Икки олам сарвари, суюкли пайғамбаримиз Муҳаммад с.а.в.га дуруду-саловотлар бўлсин! Ҳурматли Устоз! Илтимос, бир масаланинг ечимини топишда ёрдамингизни аямайсиз, деган умиддаман. Биз учун жуда муҳим. Бир биродаримиз номидан гапираман: Мен 5-6 йил олдин шаҳарнинг яхши, гавжум жойидан бир дўкон топиб, шеригимга айтдим. Унга маъқул келди. Шеригим дўсти билан ўртада дўконни сотиб олдилар. Улар пул тикишди. Дўконни юрғизиш мендан бўлди. Байъат қилиб иш бошадик. Тез орада ишлар юришиб яхшигина даромад оладиган бўлдик. Даромаднинг 50 % менга ва 50 % уларга. Улар дўкон ишига умуман аралашишмайди. Бугунга келиб шеригим дўсти билан уришиб қолиб, ораларидаги барча мулкларни тақсимлаб олишяпти. Мен юрғазаётган дўкон ҳам бирининг номига ўтаяпти. Менга 15 августгача муҳлат бериб дўконни топширишни айтишди. Ҳамма жабр менга бўляпти. (Ўша пайтда дўконни ўзим қарз топиб сотиб олсам бўларди. Уларга ишониб байъат қилган эдим. Ҳозирги кунда бу дўкон катта пулга баҳоланган). АЛЛОҲ РОЗИ БЎЛСИН!