Акса уриш
05:57 / 20.07.2016 | Kamoliddin | 3582
Ассалому алайкум! Устозлар, акса урган инсон “Алҳамдулиллаҳ” дeгандан сўнг, уни эшитган инсон “Ярҳамукаллоҳ” дeйиш вожиб дeб эшитдим. Шу тўғрими? Агар тўғри бўлса, бизда “Саломат бўлинг” дeйилади. Шу сўз ҳам ўрнига ўтадими? Акса урган инсон “Алҳамдулиллаҳ” дeйишлиги ҳам вожибми? Агар шу сўзни айтмаса аксиришни эшитган инсонга бирор сўз вожиб бўлмайдими? Жавоб учун олдиндан раҳмат.
«Зикр аҳлидан сўранг» ҳайъати:
Ва алайкум ассалом! Акса урган инсон “Алҳамдулиллаҳ” дeйиши, уни эшитган инсон “Ярҳамукаллоҳ” дeйиши худди салом берган одамга алик олишга ўхшайди. Саломат бўлинг кифоя қилмайди. Акса урган инсон “Ярҳамукаллоҳ”ни эшитганда “Яҳдикумуллооҳу ва юслиҳуу баалакум” дейиш мустаҳабдир. Валлоҳу аълам!
