Таҳорат
10:56 / 30.07.2016 | uz_muslim | 2354
Ассалому алайкум! Таҳоратдаги макруҳ амаллар 6 та экан. Шулардан бири: “3 марта янги сув билан бошга масҳ тортиш” дейилипти. Шунга ойдинлик киритиб берсангизлар. Бунда бир маротаба қўлга сув олиб, уни тўкиб ташлаб, шу ҳолида 3 марта масҳ тортиш кўзда тутилмоқдами?
«Зикр аҳлидан сўранг» ҳайъати:
Ва алайкум ассалом! Таҳоратда масҳ дегани, нам қўлни баданга ишқалаш, ювиш деб, бадандан сув оқизишга айтилади. Янги сувлар билан бошга уч марта масҳ тортиш, бошни ювишга кириб қолади. Ҳадисларда қўлни бир бор ҳўллаб, бир бор масҳ зикр қилинган. Валлоҳу аълам!
