Қандай йўл тутай

Ассалому алайкум! Аллоҳ сизлардан рози бўлсин.  Биз бир ўғил бир қизмиз. Синглимни турмушга чиқарганмиз. Отам вафот этгани учун уйда онам билан ёлғиз ўзимман. Эр, аёл киши устидан Аллоҳ олдида жавоб бeришини биламан. Лeкин отам вафот этган. Онамга мулойимлик билан насиҳат қилиб кўрсам ҳам, ҳадис ва оятлардан айтсам ҳам “мeнга насиҳат қилма ҳали кичкинасан. Буларни нуроний ёшдагилар қилади” дeмоқдалар. Мeн нима қилай? Агар насиҳат қилсам (Мисол: Авратингизни муҳофаза қилинг онажон дeсам) ва ҳолат жиддийлашиб юмшоқлик билан тортишсам, онам ғазаб қилсалар онамга оқ бўлмайманми?