Нима қилмоқ керак?

Ассалому алайкум! Устозлар, бир масала мени жудаям кийнаб юборди. Бизнинг тикув цехимиз бор. У цехимизга мавсум вақтлари Хоразм (ватанимиз) томонлардан таниш билиш қизларни тикувчиликка чақириб турамиз. Ўтган мавсумда онам тарафдан узоқ қариндош бир қиз келди. Лекин мунофиқ инсонни аломатлари у қизда бор экан. Инсонлар орасини бузиш, шунга ўхшаш маъсиятларни қилиб, ҳаммани кўнглини оғритиб кетганди. Кетганига хурсанд бўлиб юрдим. Аммо татил маҳали Хоразмга ўтганимизда бизни оилани ёмонлаб (оиламизда бирга яшаганмиз) ҳаммага гап қилганларини эшитдим. Аммо бу ростми ёлғон Аллоҳ билгувчи. Аммо мана яна мавсум ойларидамиз, у қиз бўлса телефонни тиндирмасдан ишга чақиришимизни сўраб қўймаябди. Яхшиликча гаплашдим, «орамизда шунча гап ўтди сенга ишонолмайман» дедим. Шундаям ҳар гапимга гап топиб келишга уринябди. Инсонни орияти уяти бўлса шу гапимдан кейин шаштидан қайтмайдими? Нима қилсам экан. Мен хато қилмаябманми?