Абдушукур исми
Ассалому алайкум! Бир танишимнинг исми Абдушукур. Мен у болани Шукур ёки Шукрулло деб чақираман. Аллоҳнинг шукур деган сифати йўқ, шунга бу исм сенга тўғри эмас дейман. У йигит бошқаларга ўзини Шукур ёки Шукрулло деб таништирса бўладими ёки Абдушукур исмида ҳеч қандай кароҳият йўқми? Илтимос шу борада маслахат берсангиз? Жавобингиз учун олдиндан минг ташаккур!
Ва алайкум ассалом! Аллоҳ таолонинг “Шакуур” сифати бор. Аллоҳ таоло “Фатир” сурасида : إِنَّهُ غَفُورٌ شَكُورٌ 30. Албатта, У ўта мағфиратлидир, кўп савоб берувчидир. إِنَّ رَبَّنَا لَغَفُورٌ شَكُورٌ 34. Улар: «Биздан маҳзунликни кетказган Аллоҳга ҳамд бўлсин. Албатта, Роббимиз ўта мағфиратлидир, кўп савоб берувчидир», – дедилар. деб марҳамат қилган. Шунинг учун Абдушукур эмас, Абдушшакур деса тўғри бўлади. Форсча қилиб Абдишакуур деса ҳам бўлади. Валлоҳу аълам!
