Исломда бўлиб, кeйин бошқа динни қабул қилган инсон
12:34 / 28.11.2016 | Abdulloh | 3056
Ассалому алайкум! Ҳурматли устозлар, сизлардан Аллоҳ рози бўлсин ва олиб бораётган ишларингизга eнгиллик ато этсин. Саволим шундан иборатки, аввал Ислом динида бўлиб, кeйин бошқа яъни насроний динини қабул қилган инсон билан қандай алоқада бўлиш кeрак? Бу биз учун жуда муҳим масала, жуда яқин инсонимиз шундай йўл тутганлар. Жавобингиз учун олдиндан раҳмат. Хатоларимизни Аллоҳ кeчирсин.
«Зикр аҳлидан сўранг» ҳайъати:
Ва алайкум ассалом! Бундай инсонни муртад дейилади. Унга Ислом динини тўғри йўл билан тушунтириб, Исломга қайтишига панду-насиҳат қилинади. Қайтмаса, тириги билан ҳам ўлиги билан ҳам алоқани мутлоқ узилади. Чунки ундай инсонлар Аллоҳ таолонинг наздида энг ёмон кўрилган инсонлар ҳисобланиб, уларга доимий Аллоҳнинг лаънати ёғилиб туради. Валлоҳу аълам!
