Насиҳат қилсангиз

Ассалому алайкум! Аксарият ёши катталарнинг, хусусан онахонларимизнинг баъзи нотўғри амалларни қилаётганлигини гувоҳи бўламиз. Айниқса фолбинга бориш, чилтон маросими, жин чиқариш, ўтганларга (авлиё, пир) атаб жонлиқ сўйиш, мушкуликушод, Аллоҳдан ўзгага дуо қилиб мадад сўраш ва бошқа амалларни бажаришлари кўп учрайди. Шундай мўтабар ёшларга кириб, хали хануз қилаётган ишларининг нотўғри эканлигини тушуниб етмаганлиги ачинарли ҳолат. Агар сўрасангиз ота-боболаримиз шу ишни қилиб келган дейишади… Ёшларда бу ҳолат учраса сўзи ўтадиган катталарни ишга соламиз. Аммо катталарнинг ўзларини хар хил бидъат ишлар устида топсакчи? Албатта биз буларни юмшоқлик ва сабр билан тушунтириш устида бардавоммиз. Шунингдеқ улар учун дуодамиз. Юқоридаги амалларнинг нотўғрилигини, аслида мусулмон киши Китоб ва Суннатдан далил кетлтирилганда унга таслим бўлиши кераклиги ҳамда ота-боболари ҳам адашган бўлиши мумкинлиги тўғрисида насиҳатлар қилишингизни сўраймиз.